Maktabdan tashqari ta'lim yo'nalishida hamkorlik aloqalari muhokama qilindi

Joriy yilning 27-dekabr kuni Ta’limni rivojlantirish respublika ilmiy-metodik markazida Janubiy Koreyaning Pacom kompaniyasi vakillari bilan uchrashuv bo‘lib o‘tdi. 

Unda maktabdan tashqari ta'lim yo'nalishida hamkorlik aloqalari hamda ikki tashkilot mutaxassislari o‘rtasida tajriba almashish jarayonini yo‘lga qo‘yish va ushbu yo‘nalishda amaliy chora-tadbirlarni ishlab chiqish yuzasidan ham o'zaro fikr almashildi.

Muhokamalar yakunida uchrashuv davomida ko‘tarilgan masalalar bo‘yicha muloqotlarni davom ettirishga kelishib olindi.