Yoshlar parlamenti a’zolari bilan uchrashuv bo‘lib o‘tdi

2025-yil 31-iyul kuni Ta’limni rivojlantirish respublika ilmiy-metodik markazida Oliy Majlis Senati huzuridagi Yoshlar parlamenti a’zolari bilan uchrashuv tashkil etildi.

Tadbirda Markaz direktori v.v.b. Yuliya Risyukova, tegishli boshqarma va bo‘lim rahbarlari, shuningdek, Yoshlar parlamenti raisi Laylo Aslonova hamda uning o‘rinbosari Ibrohimjon Jo‘raboyev ishtirok etdi.





 

Uchrashuv davomida yoshlarni psixologik qo‘llab-quvvatlash, dolzarb mavzularda seminar-treninglar va turli yo‘nalishlarda o‘quv kurslari tashkil etish, shuningdek, qonun hujjatlari muhokamalari jarayonida Markaz vakillarining faol ishtirokini ta’minlash masalalari muhokama qilindi.

Muloqot yakunida ko‘tarilgan taklif va tashabbuslarni amalga oshirish yuzasidan hamkorlikni davom ettirish bo‘yicha kelishuvga erishildi.