Hindiston Respublikasining Favqulodda va muxtor elchisi bilan uchrashuv bo‘lib o‘tdi

Joriy yilning 30-iyul kuni Ta’limni rivojlantirish respublika ilmiy-metodik markazida Hindiston Respublikasining O‘zbekistondagi Favqulodda va muxtor elchisi Smita Pant xonim bilan uchrashuv bo‘lib o‘tdi.
 

Muzokaralar davomida tomonlar ta’lim sohasida ikki tomonlama hamkorlikni rivojlantirish, pedagogik tajriba almashish, shuningdek, maktabgacha, maktab va maktabdan tashqari ta’lim tizimini rivojlantirishga qaratilgan qo‘shma loyihalar istiqbollarini muhokama qildilar.
 

Uchrashuvda quyidagi masalalarga alohida e’tibor qaratildi:
• innovatsion ta’lim texnologiyalarini joriy etish;
• pedagog kadrlar malakasini oshirish bo‘yicha tajriba almashish;
• O‘zbekiston va Hindiston ta’lim muassasalari o‘rtasida akademik va madaniy aloqalarni yo‘lga qo‘yish;
• qo‘shma loyihalarni ishlab chiqish.

Elchi xonim Hindiston tomonining O‘zbekiston bilan ta’lim sohasidagi hamkorlikka qiziqishi yuqori ekanini qayd etib, bilim va tajriba almashish muhimligini ta’kidladi. Xususan, o‘qituvchilar va o‘quvchilar uchun almashinuv dasturlarini tashkil etish va qo‘shma tadbirlar o‘tkazishga tayyor ekanligini bildirdi.

Uchrashuv yakunida hamkorlik bo‘yicha "Yo‘l xaritasi"ni ishlab chiqish va yaqin vaqt ichida bir qator amaliy tadbirlarni o‘tkazishga kelishib olindi.