Ta’lim yutuqlarini baholash bo‘yicha amaliy seminar boshlandi

2025-yil 26–28-avgust kunlari YUNISEF ning O‘zbekistondagi vakolatxonasida ta’lim yutuqlarini baholash bo‘yicha amaliy seminar o‘tkazilmoqda.

Seminar Maktabgacha va maktab ta’limi vazirligi, YUNISEF, Cambridge University Press & Assessment, Kembrij universiteti, Islom taraqqiyot banki (IsDB) va Islom birdamlik taraqqiyot jamg‘armasi (ISFD) hamkorligida tashkil etilgan bo‘lib, unda Ta’limni rivojlantirish respublika ilmiy-metodik markazi rahbariyati va xodimlari ham faol ishtirok etmoqda.

Mazkur tadbir O‘zbekistonda ta’lim sifatini oshirish va xalqaro tajribani joriy etishda muhim ahamiyat kasb etadi. Shuningdek, o‘quvchilarning bilim va ko‘nikmalarini baholash konsepsiyasi yuzasidan fikr almashish, amaliy tajriba o‘rganish hamda dalillarga asoslangan qarorlarni ishlab chiqishda seminar muhim maydon bo‘lib xizmat qilmoqda.