Oliy Majlis Senati huzuridagi Yoshlar parlamenti bilan hamkorlik memorandumi imzolandi

Joriy yilning 22-avgust kuni kuni Oliy Majlis Senatida Taʼlimni rivojlantirish respublika ilmiy-metodik markazi va Oliy Majlis Senati huzuridagi Yoshlar parlamenti vakillari o‘rtasida uchrashuv bo‘lib o‘tdi. 

Unda Ta’limni rivojlantirish respublika ilmiy-metodik markazi direktori v.v.b. Yuliya Risyukova, markaz xodimlari hamda Oliy Majlisi Senat huzuridagi Yoshlar parlamenti raisi Laylo Aslonovalar ishtirok etdi. 

Uchrashuv davomida ta’lim jarayoniga innovatsion pedagogik texnologiyalarni joriy qilish, shuningdek, ta’lim sohasini rivojlantirish bo‘yicha jamoatchilik nazoratini oshirish bo‘yicha hamkorlik aloqalarini kuchaytirishga doir qator masalalar muhokama qilindi. 

Uchrashuv yakunida o‘zaro aloqalarni mustahkamlash maqsadida hamkorlik memorandumi imzolandi. 

Ta’kidlash lozim, ushbu hujjat ta’lim sohasida samarali hamkorlikni yo‘lga qo‘yish va yoshlarning ijtimoiy faolligini oshirish, ularning intellektual va ijtimoiy faolligini oshirish hamda innovatsion g‘oyalarni qo‘llab-quvvatlashga xizmat qiladi.