Ta’limni rivojlantirish markazi xodimi Singapurda tashkil etilgan xalqaro dasturda ishtirok etmoqda

Joriy yilning 18–22-avgust kunlari Ta’limni rivojlantirish respublika ilmiy-metodik markazi xodimi Singapurda o‘tkazilayotgan Singapur hamkorlik dasturi doirasidagi xalqaro ta’lim dasturida ishtirok etmoqda.

Mazkur dastur Singapur Tashqi ishlar vazirligi tomonidan tashkil etilib, Nanyang Texnologiyalar Universiteti tarkibidagi Milliy ta’lim instituti (NIE)da bo‘lib o‘tmoqda.

Dasturda Osiyo va boshqa mintaqalardan kelgan ta’lim mutaxassislari, siyosatchilar, maktab o‘qituvchilari, oliy ta’lim muassasalari vakillari hamda xalqaro tashkilotlar ekspertlari qatnashmoqda.

Tadbir davomida ishtirokchilar ta’lim siyosatini takomillashtirish, o‘qituvchilar malakasini oshirish, zamonaviy pedagogik yondashuvlarni joriy etish va ilg‘or xalqaro tajribalarni amaliyotga tatbiq etish masalalari yuzasidan fikr va tajriba almashmoqdalar.