Abdulla Avloniy nomidagi pedagogik mahorat milliy instituti bilan hamkorlik memorandumi imzolandi

Joriy yilning 21-avgust kuni Ta’limni rivojlantirish respublika ilmiy-metodik markazi va Abdulla Avloniy nomidagi pedagogik mahorat milliy instituti o‘rtasida hamkorlik memorandumi imzolandi.

Mazkur memorandumga ko‘ra quyidagi yo‘nalishlarda hamkorlik aloqalarini rivojlantirish ko‘zda tutilgan:

– PIRLS 2026 asosiy sinov bosqichiga samarali tayyorgarlik ko‘rish;

– o‘qituvchilar malakasini oshirish va zamonaviy metodlarni joriy etish;

 – xalqaro tadqiqotlarni tashkil etishda hamkorlikni kengaytirish.

Bundan tashqari, markaz rahbariyati va xodimlari institut faoliyati bilan yaqindan tanishdilar.

Ta’kidlash joiz, ushbu hujjat  ta’lim sifatini oshirish, xalqaro tadqiqotlar doirasida hamkorlikni kengaytirish hamda qo‘shma loyihalarni amalga oshirishga xizmat qiladi.