TEAM MONOLITH texnologik tashkiloti bilan hamkorlik memorandumi imzolandi

Taʼlimni rivojlantirish respublika ilmiy-metodik markazi vakillari hamda Koreya Respublikasi Ta’lim vazirligi huzuridagi “TEAM MONOLITH” texnologik tashkiloti o‘rtasida hamkorlik aloqalarini rivojlantirish bo‘yicha qator ishlar amalga oshirib kelinmoqda.

Mazkur jarayonlar doirasida TEAM MONOLITH tashkiloti bilan hamkorlik memorandumi imzolandi.

Ushbu memorandum doirasida quyidagi yo‘nalishlarda hamkorlik aloqalarini rivojlantirish belgilab olindi:

– Maktabgacha, boshlang‘ich, o‘rta va maktabdan tashqari ta’lim bo‘yicha materiallar hamda boshqa tegishli ma’lumotlarni almashish;

– Ilmiy ishlanmalarni nashr yoki taqdimot uchun almashish;

– Qo‘shma tadqiqot loyihalarini ishlab chiqish, seminarlar va konferensiyalar tashkil etish;

– Ta’lim va treninglar yo‘nalishida o‘qituvchi-trenerlar, tadqiqotchilar va boshqa soha mutaxassislari o‘rtasida inson resurslari almashinuvi;

– Hamkorlikda o‘qituvchi-trenerlar uchun malaka oshirish va stajirovkalarni tashkil etish.

Mazkur memorandum Ta’limni rivojlantirish markazi va TEAM MONOLITH o‘rtasidagi ilmiy-uslubiy, texnologik va akademik hamkorlikni rivojlantirish hamda mustahkamlashga xizmat qiladi